DE BÖRGEMEISTER
Gesjreve door Wim Hillenaar (2024)
- Este örges nui bis, is ’t wel zoe fetsojndelek diech iers eve veur te stèlle.
- Miene naom is Wim Hillenaar en iech bin gebore in Maasbommel. Iech höb gewèrk es Manager Veilegheid in Rotterdam en es börgemeister in Cuijk.
- De Maos is, zoe wie geer kint hure, de roejen draod in mie leve, zjus wie ze de levensaojer vaan Mestreech is.
- Op 1 juli woort iech geïnstalleerd es nuien ierste börger vaan eus stad, en dao bin iech zoe gruuts op wie ‘nen aap mèt zeve stert.
- In mien ierste maonde es börgemeister höb iech al hiel get mage zien en mage mètmake in eus sjoen stad.
- Ouch mien ierste lèsse Mestreechs höb iech al gehad. Zoe weit iech al wat rijstartele zien, en is ouch ‘ne kom-ins-väör miech neet mie oonbekind.
- ’t Mestreechs verstoon geit miech al bès good aof, al zien wäörd wie kiksjozerije, hinnenejjer, coiffere, bradzjele of zubbedeius wel lesteg te begriepe veur eine vaan boete wie iech.
- Mestreechs spreke is e gans aander verhaol, wie geer wel höb kinne hure bij de Euverdrach vaan de Mach.
- Vaan hiel väöl Mestreechse wäörd beginste spóntaon te stamele, meh ’t is mesjiens flaw um uuch die te laote opsjrieve.
- Meh jeh, geer wouwt zelf mètdoen aon ’t Mestreechs Dictee, neetwoer?
- Koume ze: laammeker, cavvalerei, hótskej, sjogkel, bougie en aomzeik krijg iech mer lesteg oet miene moond.
- Neet tot iech die wäörd daogeleks gebruuk op ’t stadhoes, meh iech maag uuch toch bès e bitteke toeke vendaog.
- Meh laot veuropstoon tot iech noe al gruuts op uuch bin, want Mestreechs sjrieve is miech ech ’n brögk te wied.
- Zeker de volgende wäörd vin iech hiel lesteg um te sjrieve. Koume ze:
- Nein flawweköl, ’t is sjoen gewees, meh laote veer same alles draon doen tot ’t Mestreechs zien prestiesj behèlt.
- Dao zal altied ‘ne vörm vaan dialekverluus zien. Wee gebruuk jummers nog wäörd wie sjamberlókke of knokekerreljong?
- Zjus daorum is ’t belaankriek tot veer Mestreechs blieve hure, spreke, sjrieve en leze.
- Want ’t dialek is e sociaol en cultureel illemint vaan eus maotsjappij en eus stad.
- Tot uuch dat ‘ne Braobender moot koume verdutse…
Bonuswäörd
Arsjivaris
Wèthawwer
Koonzjee
Baoj
Dikklaratie
Raodsmannifèstatie
Aperpo
Laankdräöjeteg
Partijpolletiek
Wèrkduvel