Lid vaan Veldeke Mestreech
Es lid vaan Veldeke Mestreech dreugste bij aon de totstandkouming vaan activiteite en oetgaoves, zoewie ‘t leesplenkske. En de krijgs korting op produkte, veurrang bij activiteite en speciaol aonbeejinge die exclusief veur eus lede gelle. Veur mer € 26,00 euro per jaor biste lid vaan Veldeke Mestreech. De maags daan mètbeslisse en deilnumme aon de jaorlijkse Algemein Ledevergadering (ALV). De bis daan ouch otomatisch lid vaan Veldeke Limbörg.
Oongeveer 10 kier per jaor sjikke veer diech euze nuitsbreef, zoetotste op de huugde bis vaan al ’t nuits en alle activiteite en produkte.
Hendeg um te weite:
Es lid vaan Veldeke Krink Mestreech biste ouch otomatisch lid vaan Veldeke Limbörg. ’n Deil vaan dien lidmaotsjapsbijdrage gebruke zie um de provinciaole lobby vaan de Limbörgse dialekte en streektaol te financere. Veldeke Limbörg verzörg ‘n deil vaan de ledeadministratie, zoewie de incasso vaan de contributie in miert/aprèl vaan eder jaor.
Nao insjrijving krijgste vaan hun de bevesteging en aonvöllende informatie touwgesjik.
Vrund vaan Veldeke Mestreech
Wèlste Veldeke Mestreech gere financieel steune, meh hoofste gei lid te weure vaan de vereineging? Dat kin ouch! Speciaol daoveur höbbe veer de Vrun vaan Veldeke! Es vrund höbste dezelfde veurdeile es bij ‘t lidmaotsjap, de maags allein neet mètstumme op de ALV.
De veurdeile op ‘n rij:
- Korting op produkte
- Veurrang bij activiteite
- Exclusief aanbeejinge
Veur € 18,00 per jaor biste euze vrund, dat is ‘n haaf pèlske per maond en de hölps us hiel väöl. Same hawwe veer ’t Mestreechs leveteg, veur noe en later