Mestreechs Leesplenkske viert 40ste verjaordaag

Wee heet 't neet thoes stoon; 't Leesplenkske vaan de Mestreechter taol? In 2023 is 't 40 jaor geleie tot 't Mestreechs Leesplenkske woort geprizzenteerd. En sinds deen tied zien nao sjetting mie es 16.000 leesplenkskes verkoch. Genóg reie um de 40ste verjaordaag te viere, dachte veer zoe.

En daorum höbbe veer ’n speciaol zjubilei-leesplenkske gemaak. ’t Leesplenkske is mèt ’n speciaol lasertechniek gemaak, boedoor de bekinde pleetsjes en wäörd in ’t hout zien gebrand. ’t Leesplenkske is gemaak vaan hout dat hergebruuk is. Gans duurzaam dus.

Athos Mestreech
Dit speciaol leesplenkske is gemaak door Athos gief lui mèt ‘nen aofstand tot de arbeidsmerret de meugelekheid ziech te oontwikkele en deil te numme aon de maotsjappij op ’n meneer die bij de lui pas.

’t Zjubilei-leesplenkske is inmiddels oetverkoch. Meh ’t gewoen leesplenkske is nog altied te bestèlle.

Bestèl 't Mestreechs Leesplenkske

/ˈleːsˌplæːŋkskə/

leesplenkske

Aander verhaole

Seksime, zuug ‘t, beneum ‘t, stop ’t

Seksime is ‘n väöl besproke oonderwerp en daorum heet ‘t Human Rights Channel vaan de Raod vaan Europa ‘n manifest tege seksisme gemaak. Neve ‘n oetgebreide oetlègk euver ‘t oonderwèrp, bevat ‘t manifest ouch ‘ne kwis boemètste tes in welke maote totste zelf seksistisch bis. Um zoe väöl meugelek Europeaone te bereike, is ‘t manifest in väöl Europese taole. En dat is nog neet alles, ‘t is ouch vertaold in versjèllende regionaole taole, boe-oonder ’t Mestreechs. Veldeke Mestreech moch de Limbörgse vertaoling verzörge, die d’n titel Seksime, zuug ‘t, beneum ‘t, stop ’t kraog.
‘n Bezundere opdrach boe veer mèt väöl plezeer aon höbbe gewèrk.

Lees wijer

Patrick Jaspers: Wie is dat, ’t sjrieve vaan e Mestreechs vastelaovensleedsje?

Nouw, eigelek zjus ’t zelfde es ’t sjrieve vaan eder aander leedsje. ’t Groete versjèl zit ‘m veurnaomelek in ’t thema en de wijs. Daoneve dink iech tot ederein dee e leedsje sjrijf veural ‘ne geistege geis moot höbbe. ’t Winne vaan ’t vastelaovendsleedsje is in gein wäörd te besjrieve. Zeker umtot ’t veur miech d’n ierste kier waor. Dat te kinne deile mèt mien vrun vaan “de Aspergepiepers” waor ouch e sjoen momint. De reis dao naotouw en alles wat denao op diech aofkump, ’t blijf geweldeg. Daan noe ’t perces vaan e leedsje.

Lees wijer

Drei kier pries veur Thea van Thor-van Nunspeet

Veur d’n derde kier maag Thea van Thor-Van Nunspeet ziech mèt mer veer foute, winner neume van ’t Groet Mestreechs Dictee 2024. In 2019 en 2023 góng zie ouch al met de ier strieke. De nómmers twie en drei - Eddy Zeelen en Manon Vaesen - maakde eder zeve foute. De bonuswäörd wie: wèthawwer, baoj, aperpo en raodsmannifèstatie, gaove daan ouch d’n doorslaag.

Lees wijer

Veldgewas is op zeuk nao Mestreechse sjrijvers

Veldgewas is ’n online poëziemagazine wat weurt oetgegeve door Veldeke Limburg. In Veldgewas (nao ’t “weeldreg veldgewas” oet ’t Limburgs volksleed) weure 10 kier per jaor gediechte en korte verhaole gepubliceerd in de Limburgse taol. Alle dialekte vaan Noord tot Zuid in de provincie zien daobij welkom. Meh Mestreech blijf daobij get achter. Veer höbbe wel zoe noe en daan tekste gehad vaan Hortense Brounts, vaan Yuri Michielsen en vaan Wim Kallen (‘ne Mestreechteneer dee noe in Sittard woent). Meh dao blijf ’t daan ouch bij, oonderwijl veer devaan euvertuig zien tot dao väöl mie sjrieftalent in Mestreech moot zitte.

Lees wijer