Verslaag Algemein Jaorvergadering

Op goonsdag 29 miert woort weer eus Algemein Ledevergadering gehawwe. Veur d’n 3e kier waore v’r te gas in Hotèl Van der Valk.

Nao de opening vaan veurzitter Hortense Brounts naom sikkertaris Iwan Bruijnzeels ’t woord. Heer naom ’t aofgeloupe jaor door en loerde veuroet nao wat v’r koumend jaor allemaol wèlle doen. Daonao waor ’t de beurt aon penningmeister Joep Ottenheym. De ciefers vaan 2016 zaoge good oet en de kascontrolkemissie waor content, dus de vergadering verliende de penningmeister daan ouch decharge mèt e groet applaus.

Vaan de roondvraog woort good gebruuk gemaak: gevraog weurt veurwat e paar wäörd wie “WhatsApp” op Mestreechtertaol.nl stoon en v’r bespraoke nog e paar aander vraoge euver wäörd. ‘n Mevrouw vroog nao de gezoondheid vaan Phil Dumoulin: es Hortense vertèlt tot ‘t weer beter geit, weurt dit mèt applaus oontvaange. Iemes zeet tot de Jaorvergadering goojekouper kint. E merie-keukske in plaots vaan e stök vlaoj vint me ouch genóg…

Bèr Brounts naom de lui mèt in de oetsleeg vaan de pas gehawwe enquête oonder eus lede.
Nao de poos luusterde Will Wintjens de vergadering op mèt 3 leedsjes vaan ziene nuie cd Wäörd. Tot slot prizzenteerde Flor Aarts zie nui beukske 't Etymologisch Dictionairke vaan ’t Mestreechs, boe koume eus Mestreechter wäörd vaandan?

De volledege notule vaan de vergadering zien op te vraoge bij ’t sikkertariaat.


Digi-Dictionair
Agenda

Will Wintjens
Wäörd (vaan de CD Wäörd)
’t Heet al jaorelaank bij us thoes flink gestöb
gegoejd mèt ’t servies dat iech georve höb
en al de wäörd oet de Mestreechsen dictionair
zien mie es ins gebruuk en dèks hiel ordinair
De höbs diech vreiselek aon miech gesjaggerneerd
es ’t diech oetkaom miech ’n week laank genegeerd
Iech höb diech stèllekes verwins
bin jummers ouch mer ’ne mins
meh dao zien dinger dieste neet zoemer verzins
Al löp ’t dèks gans oet de klaw
weit iech tot iech nog altied vaan diech haw
in mienen droum zoewie venach
fluuster iech de wäörd die iech diech noets höb gezag

Lees wijer


Copyright © 2013 Veldeke Krink Mestreech