Feest met de Vastelaovendsvrundsjes

Kinder weure vaanaof hun jongste jäög mètgenome in de Mestreechter Vastelaovend. Meh awwers weite neet altied welke vraoge dit woonderlek spektakel bij jong kinder allemaol opreup. In Vastelaovendsvrundjes liet sjrijfster Vivianne Rijnders alle oonderdeile vaan de vastelaovend veurbij koume en toent speulentere wie dat in zie werk geit.

Twierling Nol en Mila goon mèt papa en mama mèt en viere op sjaol, mèt de Tempeleers en mèt alle aander Mestreechtenere Vastelaovend. Ze liere de leedsjes en verkleie ziech vol euvertuiging en weure zoe enthousias tot ze ’t volgend jaor al mèt ’n zate hermenie meziek wèlle make.

Jeannine Brouns-Damen maakde de levendege pleetsjes bij ’t verhaol vaan Vivianne zoe tot de kinder, es ze ’t book nog neet kinne leze, wel kinne kleure en neet allein in de kleure vaan Vastelaovend.

Veur alle kinder (en awwers en lierkrachte) die wèlle weite wat de Mestreechter Vastelaovend is … en wee wèt wèlle ze daan allemaol mètdoen.

Prizzentatie goonsdag 9 november 2016 15 oor bij de Boekenwurm, 16 oor bij Dominicanen.


Digi-Dictionair
Agenda

Will Wintjens
Wäörd (vaan de CD Wäörd)
’t Heet al jaorelaank bij us thoes flink gestöb
gegoejd mèt ’t servies dat iech georve höb
en al de wäörd oet de Mestreechsen dictionair
zien mie es ins gebruuk en dèks hiel ordinair
De höbs diech vreiselek aon miech gesjaggerneerd
es ’t diech oetkaom miech ’n week laank genegeerd
Iech höb diech stèllekes verwins
bin jummers ouch mer ’ne mins
meh dao zien dinger dieste neet zoemer verzins
Al löp ’t dèks gans oet de klaw
weit iech tot iech nog altied vaan diech haw
in mienen droum zoewie venach
fluuster iech de wäörd die iech diech noets höb gezag

Lees wijer


Copyright © 2013 Veldeke Krink Mestreech