Veurnaomwäörd in 't Mestreechs

In de Nuie Mestreechsen Dictionair zien (väörin) neet allein cattegorieje vaan werkwäörd opgenome, meh weure ouch de veurnaomwäörd in ’t Mestreechs good touwgeliech. In dees online-editie zien de veurnaomwäörd ouch opgenome.

De belangriekste taak vaan veurnaomwäörd is verwieze. Dat beteikent tot ze gebruuk weure in plaots vaan ’t woord of de woordgróp boe ze nao verwieze. Meistens is dat woord of dee woordgróp al ieder geneump; soms wieze ze evels veuroet.

E veurbeeld:  Heer heet häöre fiets mètgenome.

De vètgedrökde wäörd zien resp. e persoenlek veurnaomwoord en e bezittelek veurnaomwoord. Allein es me de cónteks kin, wèt me boe (nao wee, in dit geval) die wäörd nao verwieze.

Op euze site höbbe v’r de veurnaomwäörd in dudeleke rijkes gezat, zjus wie in De Nuie Mestreechsen Dictionair. De veurnaomwäörd zien opgedeild in 9 gróppe, die g’r hei rechs neve zeet stoon. Es g’r op ‘ne bepaolde gróp klik, krijg g’r ’n dudelek euverziech vaan ’t desbetreffend veurnaomwoord in ’t Mestreechs.

Wee gere mier wèlt wete euver veurnaomwäörd in ’t Mestreechs, moot z’ch zeker ins Mestreechs, eus moojertaol (Flor Aarts, 2001) debij pakke. In hoofstök 15 (pp.192-210) vaan dee grammair vaan ’t Mestreechs, stoon neve ‘nen dudeleken oetlègk ouch väöl veurbeeldzinne.




Veurnaomwäörd
Persoenlek veurnaomwoord
Bezittelek veurnaomwoord
Aonwijzend veurnaomwoord
Betrèkkelek veurnaomwoord
Bepaolingaonkondegend vnw
Wederkierend veurnaomwoord
Wederkiereg veurnaomwoord
Vraogend veurnaomwoord
Oonbepaold veurnaomwoord
 
Copyright © 2013 Veldeke Krink Mestreech