D'n Digi-Dictionair is nao 7 jaor oet de loch!

Sinds november 2007 stoont d'n Digi-Dictionair online; de digitaol versie vaan 't Nederlands-Mestreechs gedeilte vaan de Nuie Mestreechsen Dictionair oet 2004.
Deen Digi-Dictionair heet in 7 jaor tied mie es 1,3 miljoen wäörd vertaold vaan 't Nederlands nao 't Mestreechs!

Op 18 november 2014 woort in 't bijzien vaan 900 maan d'n Dictionair vaan de Mestreechter Taol geprizzenteerd in d'n theater aon 't Vriethof. Deze vernuide Mestreechter dictionair woort neet in bookvörm oetgegeve, meh in de vörm vaan 'ne website. Digitaol dus.

De website Mestreechter Taol bevat 'ne compleet vernuiden dictionair (Mestreechs-Nederlands en Nederlands-Mestreechs) dee uuch ouch hölp bij de grammatica vaan 't Mestreechs. Bij eder opgezeuk woord weurt 'grammaticahölp' gebooje; 'n functie die achteraof behuurlek uniek bliek te zien.

Neve deen dictionair vint g'r op de website ouch: spreekwäörd en gezègkdes, etymologie, e geavanceerd rijmsysteem en complete naoslaagwerke. De website is samegestèld en oontworpe door Roger Weijenberg. De etymologie is samegestèld door Flor Aarts.

G'r vint de website op:

www.mestreechtertaol.nl

Agenda

Will Wintjens
Wäörd (vaan de CD Wäörd)
’t Heet al jaorelaank bij us thoes flink gestöb
gegoejd mèt ’t servies dat iech georve höb
en al de wäörd oet de Mestreechsen dictionair
zien mie es ins gebruuk en dèks hiel ordinair
De höbs diech vreiselek aon miech gesjaggerneerd
es ’t diech oetkaom miech ’n week laank genegeerd
Iech höb diech stèllekes verwins
bin jummers ouch mer ’ne mins
meh dao zien dinger dieste neet zoemer verzins
Al löp ’t dèks gans oet de klaw
weit iech tot iech nog altied vaan diech haw
in mienen droum zoewie venach
fluuster iech de wäörd die iech diech noets höb gezag

Lees wijer


Copyright © 2013 Veldeke Krink Mestreech