Richard Jongen (19.02.2008)
Ex-Prins vaan Groet Mestreech

Noe de vastelaovend hielemaol achter de rögk is en iech lankzaam mien gezoondheid weer trök begin te kriege, begin iech m’ch pas ech te realisere wat iech in de aofgeloupe weke allemaol höb mètgemaak.

Iech waor 4,5 week laank de Prins vaan Groet Mestreech! Iech vin ’t nog altied neet te geluive. Nog altied dink iech: “Boerum iech?”. Enfin, ’t waos ’n oonvergeteleke ervaring, boedoor iech vaan binnenoet höb kinne zien wie ’t vastelaovendsspeul hei in Mestreech gespäöld weurt. Veur ’t iers in mie leve kaom iech ouch mèt de echte Mestreechter cultuur- en taolpuriste in aonraking. Al in de ‘prenataal’ fase woort iech regelmaoteg door de manne vaan ’t Dreigestrin gecorrigeerd es iech weer ins e woord op z’n ‘boetelands’ oetspraok.

Umtot iech in ’n gans internationaol umgeving wèrk, höb iech in de loup vaan de jaore hiel get importwäörd touwgelaote tot mien eige spreektaol. Doortot die hiere Tempeleers m’ch dao ederskier op weze, woort iech m’ch dao ummertouw mie vaan bewus. En este d’ch devaan bewus bis, daan kinste dus ouch get draon doen. Iech höb m’ch daan ouch weer hiel get awwerwètse Mestreechse wäörd eige gemaak die iech vervaange had door ‘Hollandse’ ‘Ingelse’ en ‘Duitse’ wäörd. Zoe herinner iech m’ch, tot iech m’ch ’t woord rappelere weer kin rappelere, en tot iech es m’ne veter los zit m’ne rijstartel weer ins vas kin binde. En tot es iech de aofspraok bij d’n tandarts weer vergete bin, iech ins get dèkser in m’ne callepin moot kieke. En ’t deit de Tempeleers ouch weer däög tot iech daog zègk.

Dao is dus nog hoop veur de Mestreechter taol, es v’r mer drop geweze weure wienie v’r get neet gans volgens de regels oetspreke. De Tempeleers die doen dat, de lui vaan Veldeke zien dao ouch mèt bezeg, dat höb iech zelf gehuurd oonder ’t Vastelaovends Cabberèt. Iech mós dao euveregens ouch e wäördsje riechte tot ’t publiek. Nou, geer maag vaan miech weite tot iech neet gerös drop waor veuraof. Achteraof veel ’t allemaol mèt en ouch dat deeg miech däög!

Ouch in de touwkoms is nog hoop veur de Mestreechter taol. Boerum zalt geer zègke? ’t Is allein mer ’n kwestie vaan opveujing. En die opveujing die höbbe v’r zelf in de hand… dus is eigelek niks aon de hand! Veurbeeldsje? Mien ma en euzen oppas höbbe mien twie döchter vaan 4 en 6 e leedsje vaan de Köpenick gelierd. En wie iech lès oonder in de woenkamer zaot, hoort iech mien twie vrouwlui vaanoet de keuke woord veur woord dat leedsje vaan de Kaptein van Köpenick zinge mèt hunnen twieje. Niks aon de hand dus!

Iech bedaank ’t Mestreechs volk veur ’nen oonvergeteleke Mestreechter Vastelaovend!

Richard I
Ex-Prins vaan Groet Mestreech

Els Ottenheym (01.11.2007) - Lees wijer
Phil Dumoulin (29.12.2007) - Lees wijer
Peter Reijnders (22.01.2008) - Lees wijer
Richard Jongen (19.02.2008) - Lees wijer
Hortense Brounts (09.04.2008) - Lees wijer
Roelf Welkenhuizen (20.06.2008) - Lees wijer
Mgr. Fons Kurris - Lees wijer
Roger Weijenberg - Lees wijer
Els Ottenheym - Lees wijer
Els Ottenheym - Lees wijer
Iwan Bruijnzeels - Lees wijer
Twajn Weijenberg - Lees wijer
Hortense Brounts - Lees wijer
Roelf Welkenhuizen - Lees wijer
Jef Loontjens - Lees wijer
Lei Bovens - Lees wijer
Lei Bovens - Lees wijer
Els Ottenheym - Lees wijer
Patrick van de Weijer - Lees wijer
Hortense Brounts - Lees wijer
Peter Schrijen - Lees wijer
Ingrid Olivers - Lees wijer
Elly Theunissen - Lees wijer
Fabrizio Bongers - Lees wijer
Hortense Brounts - Lees wijer
Frans Tomassen - Lees wijer
Frans Budé - Lees wijer
Will Wintjens - Lees wijer



Digi-Dictionair
Agenda

Copyright © 2013 Veldeke Krink Mestreech