Phil Dumoulin (29.12.2007)
Acteur Cabberètgróp

Veur d'n 8e kier!

In veertien daog waore zès veurstèllinge oetverkoch...! Zoonder ei beriech in 'n gezèt...! Zoonder affiches...! Zoonder radio en tv...! Nein, veer goon us neet op de boors houwe, meh e bitteke gruuts zien veer wel.

"Veer" zien die elf lui die uuch binnekort weer 'ne gezèllegen aovend mage bezörge. En uuch neet allein, want veer spitse us minstens eve hel op die aovende. En dat kriege veer ouch vaan uuch trök: "De zuus tot geer de groetste lol höb", hure veer dèks. En dat is ouch zoe. De mieste lol zeet geer euveregens neet. Veer beginne in 't veurjaor te "brainstörme" (hei zeet geer wieste 'n Ingels woord kins vermestreechse!). Dat klink mesjiens sjiek, meh 't beteikent gewoen tot veer 'nen aovend lache. En dat weure 'rs nog hiel get veurtot veer genóg repertoire höbbe. Wat hèt "genóg"; eder jaor goeje veer 'nen houp weg, want veer höbbe altied nómmers euver...

Wie veer aon de oonderwerpe koume? Oonder andere door uuch. Veer hawwe eus ouge en oere good ope, leze de gezèt en loere tèllevisie en de res fantasere veer debij. Dat kint geer ouch, huur, dat is gaaroet neet zoe lesteg!

Lès stoont iech mèt mien vrouw op de Merret bij de kieskraom get te vreigele - geer kint die 'discussies' wel: de mieste manslui weite noets wat ze mèt Sinterklaos mote vraoge. Iech ouch neet en dat woort miech eve ingevreve. Boe op iech zag: "Bis blij tot iech zoe'ne contente mins bin". 'nen Andere klant zag toen: "Dao moot geer ins e nómmer euver sjrieve veur 't Cabberèt". Dudelek 'ne fan! - en toen had iech al weer inspiratie. En wie iech e paar weke ieder bij Lichtstroom in de Wolfstraot e lempke ging koupe, zag de vrouw vaan 't koppel wat veur miech stoont tege häöre maan: "Lèt op d'n wäörd, want anders zitte veer zoe in 't Vastelaovends Cabberèt!"

Wijer deit de (stads)polletiek ouch eder jaor z'n bès um us te inspirere en daan zien dao nog de 'trends', de 'hypes' en allen andere sjele wawwel dee veer ederen daag euver us kriege oetgesjöt. Euver 't milieu, euver Mestreechs-sprekende Sinterklaoze, euver Winterland en gaot mer zoe wijer. 't Kump allemaol in eus program trök. Nein, iech zègk uuch, veer höbbe eder jaor te väöl. Daorum zien veer ederein ouch zoe daankbaar. Gaot zoe wijer en veer make nog jaorelaank Vastelaovends Cabbarèt.

Naomens de Cabberètgróp,
Phil Dumoulin
Els Ottenheym (01.11.2007) - Lees wijer
Phil Dumoulin (29.12.2007) - Lees wijer
Peter Reijnders (22.01.2008) - Lees wijer
Richard Jongen (19.02.2008) - Lees wijer
Hortense Brounts (09.04.2008) - Lees wijer
Roelf Welkenhuizen (20.06.2008) - Lees wijer
Mgr. Fons Kurris - Lees wijer
Roger Weijenberg - Lees wijer
Els Ottenheym - Lees wijer
Els Ottenheym - Lees wijer
Iwan Bruijnzeels - Lees wijer
Twajn Weijenberg - Lees wijer
Hortense Brounts - Lees wijer
Roelf Welkenhuizen - Lees wijer
Jef Loontjens - Lees wijer
Lei Bovens - Lees wijer
Lei Bovens - Lees wijer
Els Ottenheym - Lees wijer
Patrick van de Weijer - Lees wijer
Hortense Brounts - Lees wijer
Peter Schrijen - Lees wijer
Ingrid Olivers - Lees wijer
Elly Theunissen - Lees wijer
Fabrizio Bongers - Lees wijer
Hortense Brounts - Lees wijer
Frans Tomassen - Lees wijer
Frans Budé - Lees wijer
Will Wintjens - Lees wijer



Digi-Dictionair
Agenda

Copyright © 2013 Veldeke Krink Mestreech