Will Wintjens
Wäörd (vaan de CD Wäörd)

’t Heet al jaorelaank bij us thoes flink gestöb
gegoejd mèt ’t servies dat iech georve höb
en al de wäörd oet de Mestreechsen dictionair
zien mie es ins gebruuk en dèks hiel ordinair
De höbs diech vreiselek aon miech gesjaggerneerd
es ’t diech oetkaom miech ’n week laank genegeerd
Iech höb diech stèllekes verwins
bin jummers ouch mer ’ne mins
meh dao zien dinger dieste neet zoemer verzins
Al löp ’t dèks gans oet de klaw
weit iech tot iech nog altied vaan diech haw
in mienen droum zoewie venach
fluuster iech de wäörd die iech diech noets höb gezag

Iech weet iech daon diech dèks oonnudeg pijn
en zègk de wäörd die iech gaaroet neet mein
meh in mienen droum zoewie venach
fluuster iech de wäörd die iech diech noets höb gezag

Höbs miech ’t blood oonder de negel oet gehaold
wie eder wèt de leefde weurt dèks deur betaold
’t zal bès zien ’t laog mesjiens ouch wel aon miech
eders kier opnui haols te m’ch oet m’n evewiech
meh ouch mominte zoewie gister en vendaog
wat iech wouw zègke neet euver m’n lippe kraog
want wat moot iech oets zoonder diech
al houwste miech op me geziech
en ouch al wètste de krijgs miech noets aofgeriech
Dao is veur miech toch mer ein vrouw
is wat iech diech zoe gere zègke wouw
en in mienen droum zoewie venach
fluuster iech de wäörd die iech diech noets höb gezag

En tösse al de sjerve vaan kepot servies
Drej iech dat viefenveerteg toerepleetsje gries
En zing iech mèt, al huurste ’t neet
Al jaorelaank, jaorelaank ’tzelfde leed
Nog zing iech mèt, al huurste ’t neet
Wat veer oets same zónge en iech noets vergeet
En sliepste neve miech venach
zing iech de wäörd die iech diech noets höb gezag
Els Ottenheym (01.11.2007) - Lees wijer
Phil Dumoulin (29.12.2007) - Lees wijer
Peter Reijnders (22.01.2008) - Lees wijer
Richard Jongen (19.02.2008) - Lees wijer
Hortense Brounts (09.04.2008) - Lees wijer
Roelf Welkenhuizen (20.06.2008) - Lees wijer
Mgr. Fons Kurris - Lees wijer
Roger Weijenberg - Lees wijer
Els Ottenheym - Lees wijer
Els Ottenheym - Lees wijer
Iwan Bruijnzeels - Lees wijer
Twajn Weijenberg - Lees wijer
Hortense Brounts - Lees wijer
Roelf Welkenhuizen - Lees wijer
Jef Loontjens - Lees wijer
Lei Bovens - Lees wijer
Lei Bovens - Lees wijer
Els Ottenheym - Lees wijer
Patrick van de Weijer - Lees wijer
Hortense Brounts - Lees wijer
Peter Schrijen - Lees wijer
Ingrid Olivers - Lees wijer
Elly Theunissen - Lees wijer
Fabrizio Bongers - Lees wijer
Hortense Brounts - Lees wijer
Frans Tomassen - Lees wijer
Frans Budé - Lees wijer
Will Wintjens - Lees wijer



Digi-Dictionair
Agenda

Copyright © 2013 Veldeke Krink Mestreech