Els Ottenheym (01.11.2007)
Veurzitter Veldeke Krink Mestreech

Gruuts!

Es me dit woord lètterlek zouw vertaole in 't Nederlands, kaom hei te stoon 'trots'. En dat is wat veer zien. Veer zien gans gruuts drop tot de website vaan Veldeke Krink Mestreech weurt gelanceerd. Geer kint 't noe ech zien, veer vaan Veldeke goon online!

Binne 't bestuur vaan Veldeke zien veer al 'nen tied aon 't zeuke nao 'ne modus um lui perbere te bereike die geïnteresseerd zien in al wat te make heet mèt eus moojertaol en eus Mestreechter cultuur. De Veldeke Krink Mestreech heet jummers es belangriekste doelstèlling: 't behaajd en de oontwikkeling vaan eus taol en cultuur. Veer mage bes zègke tot euze Krink 'n bleujende vereineging is, mèt 600 lede toch ein vaan de groetste in Mestreech. Toch höbbe veer e bitteke 't imago vaan d'n awwerwètse sjaolmeister. Zoe eine dee 't altied beter wèt en dat ouch veural liet blieke. Dee sjaolmeister dee met dat roed potloed roondlöp en lui op hun foute wèlt wieze.

Modern oonderwijzers, iech kin niks draon doen, iech kom oet 't vak, perbere dat aanders te doen door o.a. väöl mie nao hun lui te luustere en lui bij de zaak te betrèkke. Dat höbbe veer gedoon. Es me leefde veur 't vak heet, perbeert me dat zoe good meugelek door te geve.

Veer höbbe hiel väöl trouw en zier geïnteresseerde lede, meh binne zoen club moot continuïteit bestoon. Veer zien in 2005 begós met 't aontrèkke vaan jong, enthousiaste bestuurslede. Bestuurslede die ouch ech get wèlle doen um de vereineging leveteg te hawwe. Veer wèlle dat nao 'boete' laote blieke. Mèt 't online goon prizzentere veer tegeliekertied eus nui logo! Geer zalt 't dèks tegekoume!

De taol is veur us (en ouch veur uuch hope veer) belangriek. Veldeke Krink Mestreech heet in 2004 De Nuie Mestreechsen Dictionair oetgegeve. Binnekort ligk d'n herdrök in de bokezake. Deen dictionair krijg 'n belangrieke plaots op de website. Geer kint vaan noe aof aon e Nederlands woord intiepe en geer krijg metein de Mestreechse vertaoling! Dat is toch hartstikke sjiek, neet daan?!

Geer kint op de website vinde wat te gebäöre steit binne Veldeke. Wèlt geer wete wienie eus cabberètveurstèllinge zien? Wèlt geer nuits wete vaan de Krink? Wèlt geer mèt goon wandele in de stad? Gaot achter eure pc zitte en kiek...

Veer hope tot hiel väöl lui gebruuk goon make vaan de site. Iech wins de wèrkgróp 'ne groete perficia. Iech bin wie gezag, gans gruuts op dit gebäöre!

Mèt de compleminte vaan eure veurzitter,

Els Ottenheym - van Schijndel

Els Ottenheym (01.11.2007) - Lees wijer
Phil Dumoulin (29.12.2007) - Lees wijer
Peter Reijnders (22.01.2008) - Lees wijer
Richard Jongen (19.02.2008) - Lees wijer
Hortense Brounts (09.04.2008) - Lees wijer
Roelf Welkenhuizen (20.06.2008) - Lees wijer
Mgr. Fons Kurris - Lees wijer
Roger Weijenberg - Lees wijer
Els Ottenheym - Lees wijer
Els Ottenheym - Lees wijer
Iwan Bruijnzeels - Lees wijer
Twajn Weijenberg - Lees wijer
Hortense Brounts - Lees wijer
Roelf Welkenhuizen - Lees wijer
Jef Loontjens - Lees wijer
Lei Bovens - Lees wijer
Lei Bovens - Lees wijer
Els Ottenheym - Lees wijer
Patrick van de Weijer - Lees wijer
Hortense Brounts - Lees wijer
Peter Schrijen - Lees wijer
Ingrid Olivers - Lees wijer
Elly Theunissen - Lees wijer
Fabrizio Bongers - Lees wijer
Hortense Brounts - Lees wijer
Frans Tomassen - Lees wijer
Frans Budé - Lees wijer
Will Wintjens - Lees wijer



Digi-Dictionair
Agenda

Copyright © 2013 Veldeke Krink Mestreech