Mgr. Fons Kurris
Pestoer Slevrouwebasiliek

Opelochspeul: de Slevrouwe

E klein woonder maagste 't wel neume. Iech wouw gere in 't kader vaan 't 75-jaoreg zjubilei vaan de basiliek de stad get laote preuve vaan de rieke historie vaan de Sterre-der-Zeekèrk. Mèt verbeeldingskrach dees historie op de plenk bringe, dat waor mienen druim. 't Plan is oetgegreujd tot 'n oontwerp in tien tafferiele.

Meh 't is mier: veer wèlle getuigenis aoflègke vaan de beteikenis vaan al wat ziech op en roontelum 't plein heet aofgespäöld. Deskundege historici höbbe vaanalles bijeingezeumerd en veer höbbe 'ne gedreve rezjiseur en tekssjrijver gevoonde en veural lui die mèt wèlle doen, enthousiaste Köpenickspeulers, aongevöld mèt parochiaone.

Wat heet Slevrouwe neet allemaol aon ziech veurbij zien goon in de loup vaan de iewe? Veer zitte jummers in 't ajdste deil vaan de stad: hei aon d'n over vaan de Maos zien de Romeine koume woene. Hei riechtde kèrkleiers nao e veurziechteg begin hun heilegdom op en hei woord gemissioneerd. Roontelum 't plein bouwde me later staotege woeninge veur de koerhiere. Meh dao waore ouch ruizinge, invalle vaan de Spaanjaarde en veural de Franse, die de stad veroverde; en daonao de gansen oonderein door de Franse rivvelutie.

De sjitterende kèrk woort 'n opslaagplaots veur oorlogsgetuug. Nao daarteg jaor woort ze trökgekoch vaan de staot en obbenuits ingeriech. Huugte- en deeptepunte! Veer weite tot Bernardus vaan Clairvaux op 't plein de kruustoch preekde en de Maria-veriering versterkde; tot later Lodewijk XIV hei z'nen intoch heel en gedans woort roontelum de vrijheidsboum, oonderwijl 't beeld vaan Sterre der Zee örgens in de stad oondergedoke waor.

Noe in de kruusgaank vaan de kèrk de ierste twie rippetities vaan 't Opelochspeul in historische kleiaasj zien gehawwe, besef iech pas, wie riek aon historie de plek is boe iech woen. Veer weurde enthousias bij 't volge vaan de versjèllende oonderdeile vaan 't Speul, ingeleid door 'ne klaterenden "tune". Binnekort, op 3, 4 en 5 oktober, is 't plein zelf 'nen opelochtheater vaan allure en kint g'r allemaol mètgenete!

De Slevrouwe es gebouw al doezend jaor aajd, heet alle störm euverleef en is nao de Franse rivvelutie in luuster herstèld. En toch is ze altied weer in restauratie tot op d'n daag vaan vendaog. Veer beseffe evels tot veer dees plaots in iere mote hawwe en daorum is de tiende en lèste scène mie es allein mer speul. 't Beeld vaan de Sterre der Zee weurt daan vaanoet de Cortestraot plechteg de kèrk ingedrage mèt 'ne bedaank tot Maria us zoe dèks heet geholpe.
Dat is jummers 't groetste woonder.
Els Ottenheym (01.11.2007) - Lees wijer
Phil Dumoulin (29.12.2007) - Lees wijer
Peter Reijnders (22.01.2008) - Lees wijer
Richard Jongen (19.02.2008) - Lees wijer
Hortense Brounts (09.04.2008) - Lees wijer
Roelf Welkenhuizen (20.06.2008) - Lees wijer
Mgr. Fons Kurris - Lees wijer
Roger Weijenberg - Lees wijer
Els Ottenheym - Lees wijer
Els Ottenheym - Lees wijer
Iwan Bruijnzeels - Lees wijer
Twajn Weijenberg - Lees wijer
Hortense Brounts - Lees wijer
Roelf Welkenhuizen - Lees wijer
Jef Loontjens - Lees wijer
Lei Bovens - Lees wijer
Lei Bovens - Lees wijer
Els Ottenheym - Lees wijer
Patrick van de Weijer - Lees wijer
Hortense Brounts - Lees wijer
Peter Schrijen - Lees wijer
Ingrid Olivers - Lees wijer
Elly Theunissen - Lees wijer
Fabrizio Bongers - Lees wijer
Hortense Brounts - Lees wijer
Frans Tomassen - Lees wijer
Frans Budé - Lees wijer
Will Wintjens - Lees wijer



Digi-Dictionair
Agenda

Copyright © 2013 Veldeke Krink Mestreech